الأحد، ١٥ يونيو ٢٠٠٨
لحظات رومانسية
الاثنين، ١٨ فبراير ٢٠٠٨
رسالة وقحة من رجل يحب
السبت، ١٦ فبراير ٢٠٠٨
الحاضر .. الغائب
الثلاثاء، ٢٢ يناير ٢٠٠٨
كلماتى القصيرة
السبت، ١٢ يناير ٢٠٠٨
تاج جميل
لومكنتش مصرى بس عربى كانت هتبقى ايه نظرتك للمصريين
واللى بيحصل فى مصر
دلوقتى ؟
كنت هقول اللى يشوف بلوة غيره تهون عليه بلوته .. بس
برضه كنت هقول احسن من
بلاد كتير منتشر فيها الفساد الاخلاقى والحروب اللى مش
بتخللى بيت إلا وهومليان دموع
وخراب ودى لوحدها كفاية عشان نقول الحمد لله
لوكنت اوروبى او غير مسلم كانت حتبقى ايه نظرتك
للعرب وللمسلمين ؟
لو الاوروبين والغير مسلمين قرأوا كويس عن المسلمين و
الاسلام وفهموا أد ايه هو دين
متسامح وبيوضح حقوق وواجبات كل فرد كانوا حيحسدوا
المسلمين والعرب عامة ويمكن
كانوا دخلو فى الدين الاسلامى واتمنوا لوكانوا منا
لوقالوا لك انت بقيت رئيس جمهورية هتعمل ايه ؟
لومكنتش أد المسئولية دى وهعدل فى حكمى حرفض المنصب ده .. بس اكيد هستفيد من
اللى قبلى وحاخد من كل واحد مميزاته وابعد عن كل سيئاته وبم انى كنت واحدة من عامة
الشعب اكيد حكون عارفة ايه اللى الشعب محتاجه وحعمله
لو سمح لك برؤية الرسول عليه الصلاة والسلام وانك
تقول له كلمة واحدة؟
متهيألى مش هقول حاجة غير إنى حفضل أعيط لحد دموعى ماتغسل اللى جوايا
لو كنا فى عصر ازدهار الاندلس كنت هتتخيل نفسك ازاى ؟
اى ان كان العصر اللى هعيشه اتمنى راحة البال ... راحة البال ... راحة البال
لو خطبت واحدة او اتخطبتى لواحد واكتشفت او اكتشفتى
ان الطرف الآخر غير قادر
الانجاب حيكون ايه تصرفك ؟
لو بحبه اوى مش ممكن حسيبه ابدا وحيبقى هو ابنى واخويا وحبيبى وانا حكون له
واخته وحبيبته
لوطلعت القمر حتكتب عليه ايه ؟
هو انا لاقية نفسى عشان اطلع القمر ده انا جبانة جدا بس بم انى رومانسية حكتب اول
حرف من اسم اللى بحبه واول حرف من اسمى ... انا حرة بقى وحكتب كمان اليوم اللى
عرفنا فيه بعض
لومررت التاج لحد ومجوبش هتعمل ايه ؟
يييييييه .. ده انا مررت تاجات لناس كتير وماجاوبتش ممكن الاسئلة معجبتهمش
تمرر التاج ده لمين ؟
مفتكرش ان فى حد لسة بيدخل عندى عشان يعرف ان فى حاجة جديدة اصلهم يأسوا
وعموما أمرره ل ....
volcano
انتظارمؤقت
bos bos