جالى تاج جامد جدا من العزيز غمض عينيك اسئلته صعبة وحنشوف فيه ايه ياللة عالتاج
قالوا لك اختارى عصر من عصور مصر علشان تعيشى فيها تختارى أى
عصر وفى عهد أى حاكم .. واشمعنى ؟
أختار عصر الخليفة عمر بن الخطاب عشان كان عادل جدا وانا دلوقت عايشة فى وقت مش فيه عدل فى اى حاجة لا فى الشغل ولا فى العيشة ولا فى المعاملات الخاصة او العامة .. مفتقدة العدل جدا
أول أولوية فى حياتك عيلتك ولا شغلك ولا اصحابك ؟
بناتى
ايه أكتر حاجة بتحبها فى رمضان ؟
الصوم والتراويح
أوصفى أجمل فطار ممكن تفطريه ؟
اجمل فطار اما أكون فى لمة كدة وناس كتير بيفطروا مع بعض فى نفس الوقت ده احساس حلو أوى
لو انت حاكم على مجموعة من الأفراد حتكون عادل ؟ طب حتتأكدى أزاى انك حاكم عادل ؟؟
ححاول أكون حاكم عادل عشان مش بحب الظلم .. وحمشى فى الشوارع وسط الناس من غير حرس او حاشية وحنام تحت شجرة زى سيدنا عمر بن الخطاب
ايه اللى بيبوظ الحكام .. نفسهم ؟ ولا الشعب ؟ ولا الحاشية المقربة ؟؟
اولا اللى بيبوظ الحكام انهم بيبقوا عندهم أستعداد من جواهم انهم يبقوا غير عادلين عشان نفوسهم مش بتكون مليانة بالخير وبعد كدة بقى يدوا ودانهم لأصحاب السوء لأنهم بيبقوا عجينة واحدة ماهى الطيور على أشكالها تقع
مين أكتر اعلامى مصرى بتحترميه ؟
مش عارفة.. بس أنا بحب أسمع مفيد فوزى وحمدى قنديل ووائل الابراشى ...
قريتى ديوان عمر مصطفى صاحب بلوج "أسباب وجيهة للفرح" عن دار ملامح ولا لسة ؟؟
لا .. مش أعرفه خالص
لو ممكن تشتغلى شغلانة تانية كنتى تتمنى تبقى ايه ؟؟
صحفية .. دكتورة نفسانية .. اخصائية اجتماعية فى ملاجئ او سجون
ايه تانى بلد تتمنى تعيشى فيها بعد مصر ؟؟
اليونان .. اسطنبول ... الخ
اوصفى ترتيبات اجمل فرح ممكن تحضريه ؟
لو عشت أعتقد حيبقى فرح البنات حيكون تحفة
بتراعى كلام الناس والقيل والقال ؟؟ ولو اه او لا قولى ليه ؟
مش من اى حد عشان الناس مش بيعجبهم حاجة خالص وكل واحد له عقله وتفكيره ومش ممكن حنجارى كل عقلية او كل تفكير .. الناس بقت بتقيس تصرفات بعضهم من الظاهر وبمقياسهم هما بس
صحيتى من النوم ملقتيش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكونى سعيدة ؟
اكيد ..شوية هدوء بقى
السعادة هى ..؟
الرضا .. بس مفيش رضا كامل او الرضا بيكون فى حاجات وحاجات
عندك أمل ؟ اسبابك ؟
فى حاجات معينة معنديش فيها أمل عشان نفسى تتحقق ومش حتتحقق
لما بتحبى تهربى من كل شئ بتروحى فين ؟؟
بصراحة مش بعرف أهرب خالص والتفكير بيموتنى
امتة اول مرة خدتى فيها نفس طويل وقلتى ياااه انا فعلا كبرت ؟؟
ههههههه .. بجد لسة مش حصلت
اما بتعملى عمل خير بيكون ايه هو دافعك الاول ؟
اعمل الحاجة اللى المفروض اعملها وواجب عليا زى زكاة المال ومساعدة محتاج وقت السؤال
بتشربى سجاير ؟؟ وايه شعورك اما ست او راجل بيشرب سجاير ؟ ليه ؟
لا .. مش بحب ريحتها خااالص .. الست اللى بتشرب سجاير بحس ان مفيهاش ريحة الانوثة
بتعرفى ايدك اليمين من الشمال ازاى ؟؟
اما بساعد حد او آكل او اكتب
ايه اكتر الة موسيقية بتحبيها ؟
البيانو .. الكمان
فى رأيك ليه الذوق والنخوة اتعدموا ؟
عشان الضغوط النفسبة الكتييييييرة اوى بسبب المشاكل وقلة الحيلة ... الخ
ايه الحاجة اللى لو حصلت لك حتبقى سعيدة اوى ؟
بصراحة كذا حاجة .. اقضى الفريضة .. وحاجة تانية خاصة جدا
تحبى يبقى عندك ارض زراعية ولااجنس عربيات ولاكام عمارة ولافلوس فى البنك ؟
بحب اوى الخضرة والورود وفى وسطهم فيلة عالطراز الانجليزى
وفلوس عشان اعيش
البحر ولا النيل ؟
البحر وخصوصا وقت الغروب
مركب ولا طيارة ؟
كل حاجة لها وقتها المركب اما اكون بتفسح مع حد بحبه والطيارة وقت السفر
مجنونة ولا عاقلة ؟
مجنونة جدا فى اوقات معينة وعاقلة جدا برضه فى اوقات معينة
تقراى كتاب ولا تتفرجى عليه فيلم ؟
أقرأ كتاب طبعا عشان بحب اعيش مع خيالى
تمررى التاج ده لمين ؟
volcano
عازف الناى
انتظار مؤقت
شاب نفسه يحقق حلمه
هناك ١٩ تعليقًا:
تسلم ايديك يا بوسي
اجابات جميلة
ودايما كده يكون احساسك جميل وتكوني متفائلة
ميرسي على اجابة التاج
ونلقاكم في تيجان اخرى ان شاء الله
:):):)
محمد سمير
بجد إجابات معبره
على فكره أنا كنت سعيد وانا بقرأ الإجابات مش عارف ليه بس خبرتك و تدينك كانوا واضحين اوى فى الاجابات
عزيزتى
كل سنه وانتى طيبه
اجاباتك متزنه وفيها كتير من الصراحه
والوضوح والصدق بس ياريت اللى بنقوله بلسانا ونفكر اننا عوزينه
لما يكون بايدنه نحققه نقدر نحققه وما نتغيرش وافكارنا تتغير مع تغير احوالنا
تحياتى ليكى ولبناتك
سلام
الله الله
ايوه كده
هو ده على فكره انطباعي وفكرتي عنك
اصل انا بافهم ف الناس
ربنا يوفقك ويخليلك بناتك ويديكي العمر لغايه ما تشوفي ولاد ولادك
تحياتي
انا مش معاهم و لا معاكي
اللهم ابعد التيجان عني
و اكثر من تيجانك
رمضان كريم
تحياتي
كل سنة وانتي طيبة رمضان كريم
تحياتي
اجاباتك جميله بجد ومنطقيه وخصوصا فى حكايه الجنون والعقل
يااااااااااه يابوسي عاوزة تكوني صحفية اممممممممم وتنفسيني ماشي ياهانم وكمان اخصائية قشطة عليك مختارة مهنتين بشتغل بيهم انتي بترمي على ايه ياهانم ماشي يارب تعيشي يارب وتحضري فرح بناتك الي انا نفسي اشوفهم موت وسلامي ليكي ياقمر واعذريني قوي اليومين دول مقصرة بس والله الدنيا دوامة كبيررررررررة
فعلا اللى بيبوظ الحكام انهم بيكون عندهم استعداد داخلى للبوظان
كلامك بينقط سكر
واجاباتك ممتازه
قوى
وسلامى الخصوصى قوى قوى لبناتك
وقولى لهم كل سنه وهما طيبين
اجابتك ممتازة يا بوسى
حاسه من خلالها انك طيبة وحنينة اوى
كل سنة وانتى طيبة يا احلى بوست كات
لسه جاى من السفر
وجدت تاجك
ودعودتك لى للرد عليه
فجاوبته فى نفس يوم العوده
شكرا لكى على التاج
وشكرا لاجابتك التى يكسوها العقل
وليس الحزن
وهذا من دواعى سرورى
ان ارى تغيرك الى الافضل
ولكم اتمنى لكى ذلك
كما اشكرك على سؤالك على
تحياتي
أولا كل سنه و انت و البنات طيبين و بالف خير....العيد السعيد يدق الابواب.
ثانيا استمتعت باجاباتك علي التاج..و هي اجابات عفوية جميلة و بسيطة...
ثالثا ...ان شاء الله تتحقق كل آمالك..و إن تحقق معظمها فايضا الحمد لله.
تحياتي
هااااااااااااى يا بوسي
ايه الروقان دا؟ بس بصراحة اجاباتك حلوة و حكاية الطبيبة النفسية دى كنت متوقعها جدا و لو حصلت كان ممكن تبقى اشطر دكتورة نفسية فى مصر بس اوعى ترتبطى بالمرضى بتوعك..
ميرسي جدا على التمرير التاني للتاج التاني و ان شاء الله هرد عليه قريب
تحياتى الى الرقيقة بوسي
كل سنة وانتى طيبه يا قمر
عيد سعيد عليكى يارب
ويارب دايما بخير وصحة وسعاده
تحياتى
غمض عينيك
_________
ازيك يا جميل هو انا اقدر اتأخر عليك بس انت ابعت وانا عليا انفذ بجد التيجان دى بتخاينا نتعرف اكتر على الشخصيات اللى بنعرفها
سى السيد
********
وانا سعيدة اكتر عشان بتيجى عندى
احساس لسة حى
___________
مفيش احسن من الصراحة والوضوح والصدق على الاقل قدام نفسنا
ولو
__
ياعينى عالناس اللى بتفهم فى الناس .. تحياتى لك
•«ρяoιd»
********
ايه الغيبة الطويلة دى يارب يبعد عنك التيجان وكل سنة وانت طيب
sendbad
*******
كل سنة وانت طيب بمناسبة العيد
رئيس جمهورية نفسى
****************
انا بموت فى الجنون والعقل
truelove
********
ازيك ياقمر مفيش منافسة ولا حاجة انتى فين وحشانى وايه اخبارك
بهلولة
*****
ازيك ياقمر قلتى حنتكلم وضيفتك عندى بس مش شفتك اتمنى اشوفك
Desert cat
**********
انتى اللى جميلة ربنا يخليكى على ذوقك وانتى طيبة يا قمر
عازف الناى
**********
حمدا لله عالسلامة انا اللى بشكرك عشان اهتميت الحزن والفرح مش بإيدينا وحروح اشوف ردك حالا ... تحياتى الخاصة
الربان
******
كل سنة وانت طيب انت فين من زمان واشكرك على كلامك .. تحياتى
volcano
*******
هاى يا فوفو لا روقان ولا حاجة وانت عارف ومش بتتوقع حاجة تانية ؟ واطمن ياسيدى انا مش حرتبط بالمرضى بتوعى ولا حاجة حرتبط بك انت بس ياقمر وبقولها عالملأ اهه ومستنية ردك بفارغ الصبر ولو ان فى حاجات متأكدة منها فى ردك .. تحياتى لك
princess dodo
**************
وانتى طيبة يا حبيبتى وحشانى
كل سنه وانتي بألف خير
كل سنه وبناتك بألف خير
عيد
كل سنه وانت طيبه
الله على الموضوع الجميل
إرسال تعليق