لومكنتش مصرى بس عربى كانت هتبقى ايه نظرتك للمصريين
واللى بيحصل فى مصر
دلوقتى ؟
كنت هقول اللى يشوف بلوة غيره تهون عليه بلوته .. بس
برضه كنت هقول احسن من
بلاد كتير منتشر فيها الفساد الاخلاقى والحروب اللى مش
بتخللى بيت إلا وهومليان دموع
وخراب ودى لوحدها كفاية عشان نقول الحمد لله
لوكنت اوروبى او غير مسلم كانت حتبقى ايه نظرتك
للعرب وللمسلمين ؟
لو الاوروبين والغير مسلمين قرأوا كويس عن المسلمين و
الاسلام وفهموا أد ايه هو دين
متسامح وبيوضح حقوق وواجبات كل فرد كانوا حيحسدوا
المسلمين والعرب عامة ويمكن
كانوا دخلو فى الدين الاسلامى واتمنوا لوكانوا منا
لوقالوا لك انت بقيت رئيس جمهورية هتعمل ايه ؟
لومكنتش أد المسئولية دى وهعدل فى حكمى حرفض المنصب ده .. بس اكيد هستفيد من
اللى قبلى وحاخد من كل واحد مميزاته وابعد عن كل سيئاته وبم انى كنت واحدة من عامة
الشعب اكيد حكون عارفة ايه اللى الشعب محتاجه وحعمله
لو سمح لك برؤية الرسول عليه الصلاة والسلام وانك
تقول له كلمة واحدة؟
متهيألى مش هقول حاجة غير إنى حفضل أعيط لحد دموعى ماتغسل اللى جوايا
لو كنا فى عصر ازدهار الاندلس كنت هتتخيل نفسك ازاى ؟
اى ان كان العصر اللى هعيشه اتمنى راحة البال ... راحة البال ... راحة البال
لو خطبت واحدة او اتخطبتى لواحد واكتشفت او اكتشفتى
ان الطرف الآخر غير قادر
الانجاب حيكون ايه تصرفك ؟
لو بحبه اوى مش ممكن حسيبه ابدا وحيبقى هو ابنى واخويا وحبيبى وانا حكون له
واخته وحبيبته
لوطلعت القمر حتكتب عليه ايه ؟
هو انا لاقية نفسى عشان اطلع القمر ده انا جبانة جدا بس بم انى رومانسية حكتب اول
حرف من اسم اللى بحبه واول حرف من اسمى ... انا حرة بقى وحكتب كمان اليوم اللى
عرفنا فيه بعض
لومررت التاج لحد ومجوبش هتعمل ايه ؟
يييييييه .. ده انا مررت تاجات لناس كتير وماجاوبتش ممكن الاسئلة معجبتهمش
تمرر التاج ده لمين ؟
مفتكرش ان فى حد لسة بيدخل عندى عشان يعرف ان فى حاجة جديدة اصلهم يأسوا
وعموما أمرره ل ....
volcano
انتظارمؤقت
bos bos
هناك ٩ تعليقات:
بوسى الجميلة حمدالله على سلامتك
وشكرا على التاج اللى جالى للمرة التانية ونسيت خالص انه كان جايلى
وأكيد يا جميل فيه ناس كتير هتدخل وتشوف التاج لان أكيد فيه ناس كتير لسة فاكراكى هو إنتى تتنسى بسهولة
أجابتك جميلة قوى وقريبا هجاوب على التاج
انا مايأستش وباجي ازورك
وكمان سبقتك وبعت التاج لبوس بوس الاول
جامدة اجابتك على سؤال القمر...بجد حنين كان احلى اسم لمدونة رقيقة زي مدونتك يابوسي
ياريت ماتغبيش عننا وماطوليش الغيبة وان غبتي طمنينا وبلاش فكرة قفل المدونة دي
وهستنا تعليقاتك دايما عندي
شكرا على استجابتك الجميلة للتاج
محمد سمير
صديقتى العزيزة الغالية
كل سنة وانتى طيبة
بوسي........حمدا لله علي عودتك...افتقدناك و افتقدنا كتاباتك..
إجاباتك عكست صفاء نفسك رغم بعض الغيوم التي تعتريها...لكن ان شاء الله
الصفاء يعود مرة أخري بالتمام و الكمال.
تحياتي و في انتظار المزيد.
خالص التقدير
كده ياحنان متعودتش عليكي كده اتعودت اسمع ضحكتك واشوف تفاؤلك الي عرفتها كانت حنان اقوى من كده وربنا يعلم اني كنت بدخل كتير والاقيكي مش كاتبة حاجة وانا تقريبا بمر بنفس الي بتحكي عليه ده مليش نفس برضه ادخل عند حد او اكتب حاجة يارب تكوني بخير بحبك وانتي عارفة يا حنان ويارب تكوني بخير ياحبيبتي واقرب فرصة هطمن عليكي فيها والله
لا احنا لسه بنخل عندك
ومتابعيين اخبارك
ويمكن كمان تلاقينا كل شويه ننط عندك
بس انتى اكتبى
ومتتاخريش علينا
واوعى تكتبى اول حرف من اسم اللى بتحبيه
احسن بتوع الفضاء يشموا خبر ويعرفوا الاسم
عزيزتى
روقى كده وكل شئ بيعدى والدنيا كده يوم مر ويوم حلو واكيد انتى لو فى مر الحلو جاى قريب متقلقيش
خشى عند انسانة عاملة كلام جميل هيعجبك وهتحسى بيه قوى
شوفى نظرة الناس والمجتمعات لبعض بتختلف من فرد للتانى وبالذات لو مفيش بينهم اى مشاكل
واكيد اللى يقرا عن الاسلام كويس هيعرف قيمته اكتر واد ايه جميل
يعنى احتمال توفقى ليه كده انتى ناقصه وجع قلب الشئ ده محتاج ناسه
واحنا مش ناسة
فى حاجا الواحد ميعرفش ايه ممكن يعملة فى لحظتها ورؤية الرسول منهما
عارفه انا بشوف انجاب طفل اهم من الحب فى اوقات كتير وعلشان كده القرار صعب بالذات للست الرجل بيقول اتجوز بعدين لاكن الست الحل ادامها الطلاق لو مقدرتش والطلاق ليه مشاكله
شوفتى الرجل اهم شئ للمراه واحلى شئ فى دنيتها حبيبك انتى كده امراه بجد
الحب اهم شئ للمراه
طلع اهوه فى ناس مش نسينك
انتى دايمن متشائمة كده
خيبنا ظنك
تحياتى
سلام
حمد الله علي السلامة يا بوسي
وحشتينا كتير وخرجي نفسك من الصومعة دي الدنيا متستاهلش
واحلي اجابة بالنسبالي في التاج ده بتاعة القمر يا رومانسية
تحياتي ليكي
ومتغبيش كده تاني
بشكركم كلكم عشان بتسألوا عليا وانا بحاول اهه ادخل تانى وارجع للعالم ده وعايزة اقول لكم انى بحبكم وانتوا غاليين عندى اوى ويارب دايما موجودين
إرسال تعليق